Vk35inst35youtube35

СВЯТОЙ НЕБЕСНЫЙ ПОКРОВИТЕЛЬ ГИМНАЗИИ

святитель НИКОЛАЙ, Архиепископ Мир Ликийских, Чудотворец

день памяти - 19 декабря, 22 мая, каждый четверг

ikona Nikolay

Тропарь, глас 4:

Правило веры и образ кротости,/ воздержания учителя/ яви тя стаду твоему/ Яже вещей Истина./ Сего ради стяжал еси смирением высокая,/ нищетою богатая,/ отче священноначальниче Николае,/ моли Христа Бога,// спастися душам нашим.

Кондак, глас 3:

В Мирех, святе, священнодействитель показался еси,/ Христово бо, преподобне, Евангелие исполнив,/ положил еси душу твою о людех твоих/ и спасл еси неповинныя от смерти./ Сего ради освятился еси,// яко великий таинник Божия благодати.

 

СВЯТЫЕ НЕБЕСНЫЕ ПОКРОВИТЕЛИ КЛАССОВ

 

1 класс - преподобный Сергий, игумен Радонежский, всея России чудотворец

день памяти - 18 июля, 8 октября

serguiy radonejskiy

Тропарь, глас 4:

Иже добродетелей подвижник,/ яко истинный воин Христа Бога,/ на страсти вельми подвизался еси в жизни временней,/ в пениих, бдениих же и пощениих образ быв твоим учеником,/ темже и вселися в тя Пресвятый Дух,/ Егоже действием светло украшен еси;/ но, яко имея дерзновение ко Святей Троице,/ поминай стадо, еже собрал еси, мудрe,/ и не забуди, якоже обещался еси,/ посещая чад твоих,// Сергие, преподобне отче наш.

Кондак, глас 8:

Христовою любовию уязвився, преподобне,/ и Tому невозвратным желанием последовав,/ всякое наслаждение плотское возненавидел еси/ и, яко солнце, Отечеству твоему возсиял еси;/ тем и Христос даром чудес обогати тя./ Поминай нас, чтущих пресветлую память твою, да зовем ти:// радуйся, Сергие богомудре.

 

 

2 класс - святитель Игнатий Брянчанинов, епископ Кавказский

день памяти - 13 мая

Ignatiy

Тропарь, глас 8:

Православия поборниче, покаяния и молитвы делателю и учителю изрядный, архиереев богодухновенное украшение, монашествующих славо и похвало: писании твоими вся ны уцеломудрил еси. Цевнице духовная, Игнатие Богомудре, моли Слова Христа Бога, Егоже носил еси в сердце твоем, даровати нам прежде конца покаяние.

Кондак, глас 8:

Аще и совершал еси стезю жития земнаго, святителю Игнатие, обаче непрестанно зрел еси законы бытия вечнаго, сему поучая ученики словесы многими, имже последовати и нам, святче помолися.

 

 

3 класс - праведный Иоанн Кронштадтский
 день памяти - 2 января

ioann kronshtadtskiy

 

Тропарь, глас 1
Православныя веры поборниче,/земли Российския печальниче,/пастырем правило и образе верным,/
покаяния и жизни во Христе проповедниче,
Божественных Таин благоговейный служителю/
и дерзновенный о людех молитвенниче,
отче праведный Иоанне,/ целителю и предивный чудотворче,/ граду Кронштадту похвало/ и Церкве нашея украшение,/ моли Всеблагаго Бога// умирити мир и спасти души наша.
 

Кондак, глас 3

Днесь пастырь Кронштадтский/ предстоит Престолу Божию/ и усердно молит о верных/ Христа Пастыреначальника,/ обетование давшаго:/ созижду Церковь Мою, // и врата адоване одолеют ей. 

4 класс - священномученик Димитрий Гливенко

день памяти - 22 марта

glivenko

Тропарь, глас 3:


Церкве Русския столпе непоколебимый,/ благочестия правило,/ жития евангельскаго образе,/ священномучениче Димитрие,/ Христа ради пострадавый даже до крове,/ Егоже моли усердно,/ яко Начальника и Совершителя спасения,/ Русь Святую утвердити в Православии/ до скончания века.

 

Кондак, глас 2:


Восхвалим, вернии,/ изряднаго во священницех/ и славнаго в мученицех Димитрия,/ Православия поборника и благочестия ревнителя,/ Земли Русския красное прозябение,/ иже страданием Небесе достиже/ и тамо тепле молит Христа Бога/ спастися душам нашым.

 

 

5 класс - святитель Алексий Московский, всея России чудотворец

день памяти - 25 февраля

Alexiy

Тропарь, глас 8:

Яко апостолом сопрестольна,/ и врача предобра, и служителя благоприятна,/ к раце твоей честней притекающе, святителю Алексие, богомудре чудотворче,/ сошедшеся, любовию в память твою светло празднуем,/ в песнех и пениих радующеся и Христа славяще,/ таковую благодать тебе даровавшаго исцелений// и граду твоему великое утверждение.

Кондак, глас 8:

Божественнаго и пречестнаго святителя Христова,/ новаго чудотворца Алексия,/ верно вси поюще, людие, любовию да ублажим, яко пастыря великаго,/ служителя же и учителя премудра земли Российстей./ Днесь, в память его притекше, радостно возопием песнь богоносному:/ яко имея дерзновение к Богу, многообразных нас избави обстояний, да зовем ти:// радуйся, утверждение граду нашему.

6 класс - Архистратиг Божий Михаил
день памяти - 21 ноября

Mikhail

Тропарь Собора Архистратига Михаила и прочих Небесных Сил бесплотных,
глас 4:

Небесных воинств Архистратизи,/ молим вас присно мы, недостойнии,/ да вашими молитвами оградите нас/ кровом крил невещественныя вашея славы,/ сохраняюще ны, припадающия прилежно и вопиющия:/ от бед избавите ны,// яко чиноначальницы Вышних сил.

Кондак Собора Архистратига Михаила и прочих Небесных Сил бесплотных, глас 2:
Архистратизи Божии,/ служителие Божественныя славы,/ Ангелов начальницы и человеков наставницы,/ полезное нам просите и велию милость,// яко Безплотных Архистратизи.

 

 

7 класс - мученицы Вера, Надежда, Любовь и София

день памяти - 30 сентября

Vera Nadejda Liubov

Тропарь, глас 4:

Торжествует Церковь первородных, / и свеселится приемля матерь о чадех веселящуюся, / яже яко мудрости тезоименитая / тройственным богословским добродетелем равночисленныя породи. / Тыя с мудрыми девами зрит уневестившияся Жениху Богу Слову, / с нею и мы духовне в памяти их свеселимся, глаголюще: / Троицы поборницы, / Веро, Любве и Надеждо, / в вере, любви и надежде утверждайте нас.

Кондак, глас 1:

Софии честныя священнейшия ветви/ Вера и Надежда и Любовь показавшеся,/ мудрость обуиша еллинскую благодатию,/ и пострадавше, и победоносицы явившеся,// венцем нетленным от всех Владыки Христа увязошася.

 

 

8 класс - равноапостольные Мефодий и Кирилл, учители Словенские

день памяти - 24 мая

Kirill i Mefodiy

Тропарь, глас 4:

Яко апостолом единонравнии/ и словенских стран учителие,/ Кирилле и Мефодие богомудрии,/ Владыку всех молите,/ вся языки словенския утвердити в Православии и единомыслии,// умирити мир и спасти души наша.

Кондак, глас 3:

Священную двоицу просветителей наших почтим,/ Божественных писаний преложением источник богопознания нам источивших,/ из негоже даже доднесь неоскудно почерпающе,/ ублажаем вас, Кирилле и Мефодие,/ Престолу Вышняго предстоящих// и тепле молящихся о душах наших.

9 класс - благоверный великий князь Александр Невский

день памяти - 12 сентября, 6 декабря

Alexandr Nevskiy

Тропарь, глас 4:

Яко благочестиваго корене/ пречестная отрасль был еси, блаженне Александре,/ яви бо тя Христос, яко некое Божественное сокровище Российстей земли,/ новаго чудотворца, преславна и богоприятна./ И днесь сошедшеся в память твою верою и любовию,/ во псалмех и пениих радующеся славим Господа,/ давшаго тебе благодать исцелений,/ Егоже моли спасти град сей,/ и державе Российстей/ богоугодней быти,// и сыновом Российским спастися.

Кондак, глас 8:

Яко звезду тя пресветлу, почитаем, от востока возсиявшую и на запад пришедшую,/ всю бо страну сию чудесы и добротою обогащаеши/ и просвещаеши верою чтущия память твою, Александре блаженне./ Сего ради днесь празднуем твое успение, людие твои сущии:/ моли спасти Отечество твое/ и вся притекающия к раце мощей твоих и верно вопиющия ти:// радуйся, граду нашему утверждение.

 

 

10 класс - преподобный Серафим, Саровский чудотворец

день памяти - 15 января, 1 августа

serafim sarovskiy

Тропарь, глас 4:

От юности Христа возлюбил еси, блаженне,/ и, Тому Единому работати пламенне вожделев,/ непрестанною молитвою и трудом в пустыни подвизался еси,/ умиленным же сердцем любовь Христову стяжав,/ избранник возлюблен Божия Матере явился еси./ Сего ради вопием ти:// спасай нас молитвами твоими, Серафиме, преподобне отче наш.

Кондак, глас 2:

Мира красоту и яже в нем тленная оставив, преподобне,/ в Саровскую обитель вселился еси/ и, тамо ангельски пожив,/ многим путь был еси ко спасению,/ сего ради и Христос тебе, отче Серафиме, прослави/ и даром исцелений и чудес обогати./ Темже вопием ти:// радуйся, Серафиме, преподобне отче наш.

 

 

11 класс - вселенские учители и святители
Василий Великий, Григорий Богослов, Иоанн Златоуст

день памяти - 12 февраля

sviatiteli

Тропарь, глас 4:

Яко апостолов единонравнии/ и вселенныя учителие,/ Владыку всех молите/ мир вселенней даровати// и душам нашим велию милость.

Кондак, глас 2

Священныя и боговещанныя проповедники,/ верх учителей, Господи,/ приял еси в наслаждение благих Твоих и упокоение:/ труды бо онех и смерть приял еси паче всякаго всеплодия,// Едине прославляяй святыя Твоя.

 

 

 

Copyright © 2017. All Rights Reserved.